Pri la konveno aŭskulti

Nuntempe mi lernas gitaran ludadon kaj mi povas diri, ke mi vere ŝatas tion fari. Sed antaŭ nelonge mi ne povis aserti tion; kial do? Ĉar mi lernas ĉefe memstare kaj ne havis taŭgan metodon. Tamen mi ĵus trovis bonegan lernolibron por ludi klasican gitaron, kiu ebligas min lerni multe pli amuze kaj rapide.

La fundamenta kerno de tiu metodo estas KD en kiu oni povas aŭskulti ĉiujn ekzercojn, kiujn la metodo enhavas. Tial la lernado estas pli facila kaj malpli teda ol antaŭe. La sonoj registritaj en la KD multe faciligas la komprenon de la skriba parto.

Same okazas en la lingva tereno. Se oni havas la ŝancon ofte aŭskulti bonajn sonartikolojn aŭ eĉ spekti videojn en kiuj aperas bonaj E-parolantoj, la lernado de la lingvo montriĝas pli facila, pli amuza kaj pli rapida ol la simpla skriba lernado.

La ofta aŭskultado alkutimas niajn orelojn al la sono de la lingvo, kaj do multe plibonigas nian lingvan parolon. Mi mem spertis kaj atingis en tiu ĉi tereno grandajn avantaĝojn. Krome, se la artikoloj traktataj estas amuzaj, pozitivaj, interesaj kaj la parolantoj de tiuj sonartikoloj bone prezentas ilin kaj bele parolas kaj prononcas, la lernado fariĝas pli alloga kaj pro tio la rezultoj estos pli kontentigaj kaj fruktodonaj. Cetere, tiamaniere ni sentos pli da simpatio por la lingvo.

La elsendaĵoj de la Esperanta Retradio, kiujn bonege estras sinjoro Anton Oberndorfer, prezentiĝas ĝuste tiamaniere kaj tial ili estas ege rekomendindaj por la atingo de, kiel eble plej baldaŭ, alta parola nivelo. Ekzistas aliaj interesaj radioelsendoj, kiujn oni povas profite aŭskulti nome Pola E-Retradio, Radio Verda el Kanado… Sed la avantaĝo de la Esperanta Retradio estas ke oni povas ankaŭ legi la tekstojn de la sonartikoloj, kaj tio sendube plialtigas la kompreneblecon.

Do, same por la plibonigo de la ludado de gitaro, kiel ankaŭ por la altigo de la parola lingva nivelo, la ofta aŭskultado multe helpas kaj konvenas.

Anuncios

2 comentarios

  1. Juan Carlos said,

    31/05/2012 a 1:24 am

    Bravo Fernando! Mi gratulas vin pro via studado de la gitaro. Ankaŭ mi deziras lerni pianon, sed ankoraŭ mi ne havas tempon por fari tion. Eble poste………..tiel estu!

    • Fernando said,

      31/05/2012 a 11:00 am

      Antaŭen ! Ne perdu vian tempon kaj komencu, sed unue per agrabla aŭskultado.
      Dankon pro via komento !


Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

A %d blogueros les gusta esto: