“Kaj post la kurso, kion?”

Vojaĝo(Artikolo de Joachim Werdin, ĉerpita el la libro de Boris Kolker “Vojaĝo en Esperanto-Lando”

Kion mi faros, kiam mi scios Esperanton? Ĉu mi povos uzi Esperanton? Kiun profiton mi havos el Esperanto?

Tiujn kaj similajn demandojn ankaŭ vi aŭdis eble de viaj kursanoj, eble de personoj, al kiuj vi konsilis lerni la lingvon. Ĉu ni povas doni kontentigajn respondojn? Mi invitas vin al diskuto pri tio, kaj jen miaj respondoj.

  1. Sendube vi povas korespondi. Miloj da homoj volas skribi leterojn al aliuloj per la neŭtrala lingvo. Vi trovos korespondemulojn en kelkaj dekoj da landoj, se vi volos. La adresoj estas en pluraj Esperantaj gazetoj, ankaŭ vi povas aperigi anoncon tie, cetere ne nur pri la korespondemo. Ekzistas apartaj servoj por faciligi trovon de korespondemulo.
  2. Partoprenu en esperantistaj aranĝoj naciaj kaj internaciaj. Tre multe da ili okazas ĉiujare. La plej konataj estas la kongresoj de UEA kaj TEJO, konferencoj de fakaj organizaĵoj, kulturaj aranĝoj de esperantistaj centroj, internaciaj feriadoj kaj tendaroj.
  3. Aŭskultu radiajn elsendojn en Esperanto por ekscii diversajn aferojn el pluraj landoj.
  4. Abonu Esperantajn gazetojn: vi povas regule ricevadi kelkajn dekojn da ili.Ili estas riĉa fonto de informoj.
  5. Verku por Esperantaj gazetoj. Multaj redaktistoj volonte akceptos viajn kontribuojn.
  6. Legu librojn en Esperanto. Vi havos unikan ŝancon legi originalajn verkojn, kiuj ekzistas nur el la Esperanta literaturo. Vi povos ĝui ankaŭ bonajn tradukojn (el naciaj literaturoj) de famaj verkoj. Ĉiu trovas ion por si.
  7. Verku aŭ traduku libron kaj tiel vi kontribuos al pliriĉigo de la Esperanta (aŭ via nacia) literaturo.
  8. Evoluigu vian interesiĝon. Funkcias multaj fakaj organizaĵoj internaciaj, kiuj uzas Esperanton; vi povas aliĝi al iuj. Tiel vi kontaktos homojn, kiujn interesas la sama afero, do vi povos aktivi internaci-skale.
  9. Uzu Esperanton en via profesia laboro. Vi povas kontakti esperantistojn, kiuj havas la saman profesion kiel vi, kaj evoluigi vian kunlaboron internaci-skale. Tiel vi kontribuos al profesiigo de Esperanto.
  10. Studu aŭ instruu en Akademio Internacia de la Sciencoj San Marino (AIS). Unu el la oficialaj lingvoj de la akademio estas Esperanto.
  11. Turismu per Esperanto. Kiam vi vojaĝas per ne esperantistaj entreprenoj, vi vizitas lokojn kaj objektojn. Kiam vi vojaĝas per esperantista entrepreno, vi vizitas ĉion ĉi kaj ankaŭ amikiĝas kun homoj, vizitante anojn de la loka movado. Krome, pluraj Esperantaj entreprenoj ofertas relative nemultekostan turismadon. Eble vi volos uzi ankaŭ Pasportan Servon de TEJO; unue membriĝu al ĝi. Biciklu kun esperantistoj: Biciklista Esperantista Movado Internacia aranĝos tion por vi.
  12. Fondu internacian entreprenon (komercan, turisman aŭ alian). Pluraj esperantistoj interesiĝas pri tio.
  13. Vi povas ankaŭ instrui Esperanton. Ĉie sur la Tero mankas kompetentaj instruistoj de la lingvo.

Tiuj supraj ekzemploj konsistigas ne ĉiujn eblojn de Esperanto-scio; krome, ili estas ĝeneralaj. Ĉu vi alimaniere respondus la demandon?

Anuncios

2 comentarios

  1. esocom said,

    21/09/2011 a 4:28 pm

    Kroma ebleco: Oni fosu ĉe http://per.esocom.de pri aliaj eblecoj.

    • Fernando said,

      21/09/2011 a 6:02 pm

      Dankon pro via tre interesa sugesto !
      Estas bonega retpaĝo; gratulon !


Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

A %d blogueros les gusta esto: